Մրցույթի 1-ին փուլ

Մրցույթին կարող են մասնակցել առնվազն միջնակարգ կրթության երրորդ աստիճանի կամ միջին մասնագիտական ավարտական վկայական ունեցող զորակոչիկները

Ընդհանուր մաթեմատիկա և տրամաբանություն թեստ, գրավոր (20 հարց` որից 10 հարցն ընդհանուր մաթեմատիկայից, 10 հարցը` տրամաբա­նությունից, յուրաքանչյուր հարցը` 1 միավոր), որն անցկացնում է թեստավորման ենթահանձնաժողովը: Թեստի գնահատման արդյունքում առնվազն 12 միավոր հավա­քած մասնակիցն անցնում է մրցույթի հաջորդ փուլ

Զորակոչիկը մրցույթին ներկայանալիս իր հետ պետք է ունենա անձը հաստատող փաստաթուղթ, իսկ 1991.mil.am կայքում գրանցված լինելու դեպքում` նաև անձը հաստատող փաստաթղթի պատճենը, համապատասխան կրթական ծրագրով ավարտական վկայականի պատճենները կամ, եթե առկա չէ ավարտական վկայական, համապատասխան ուսումնական հաստատության կողմից տրված տեղեկանքը` ավարտական քննությունները հանձնած լինելու վերաբերյալ, ինքնակենսագրությունը, զինվորական ծառայությանը առողջական վիճակի պատճառով պիտանիության աստիճանի (պիտանի կամ սահմանափակ պիտանի) վերաբերյալ տեղեկանքը:

Հարցերը հիմնականում հետևյալ թեմաներից են՝

• ընդհանուր մաթեմատիկայից.
  • կոմբինատորիկա
  • գծային հանրահաշիվ
  • հավանականությունների տեսություն
  • մաթեմատիկական անալիզ
• տրամաբանությունից.
  • մաթեմատիկայի դպրոցական օլիմպիդաների տրամաբանություն ստուգող առաջադրանքներ և նմանօրինակ այլ առաջադրանքներ։

Մրցույթի 2-րդ փուլ

Մասնագիտական թեստ` գրավոր (յուրաքանչյուր մասնագիտությունից 20 հարց, յուրաքանչյուր հարցը` 1 միավոր): Մրցույթի մասնակից զորակոչիկն ինքն է ընտրում 1991 ստորաբաժանման համապատասխան խումբը և այդ խմբի այն մասնագիտու­թյունը, որից հանձնելու է թեստ` այդ մասին նշելով մրցույթի մասնակցության հայտում։ Թեստի գնահատման արդյունքում համապատասխան մասնագիտությունից առնվազն 12 միավոր հավա­քած մասնակիցն անցնում է մրցույթի հաջորդ փուլ: Մրցույթն անցկացնում են մասնագիտական ենթահանձնաժողովները` ըստ հետևյալ մասնագիտությունների

Մրցույթի 3-րդ փուլ

Հարցազրույց, որն անցկացնում է հանձնաժողովը: Այս փուլում հանձնաժողովի անդամները միասին հարցազրույց են անցկացնում մրցույթի յուրաքանչյուր մասնակից զորակոչիկի հետ ու առանց քննարկման առանձին գնահատում: Փուլի գնահատականները ձևավորվում են հանձնաժողովի անդամների նշանակած անհատական գնահատականների միջին թվաբանականների հաշվարկով: Մրցույթի այս փուլով գնահատվում են մրցույթի մասնակից զորակոչիկների հետևյալ ունակությունները (կարողությունները)

Մրցույթին նախատեսված ունակություններից (կարողություններից) յուրաքանչյուրը գնահատվում է 1-ից 5-բալանոց համակարգով: Փուլը հաղթահարում է մրցույթի մասնակից այն զորակոչիկը, ում գնահատականների միջին թվաբանականի գումարը կկազմի առնվազն 6: Գնահատականները որոշվում են հետևյալ կերպ. հանձնաժողովի անդամներից յուրաքանչյուրի կողմից տվյալ զորակոչիկին նշանակված գնահատականներից երկու ամենաբարձր և երկու ամենացածր գնահատականները հաշվի չեն առնվում և հաշվվում են մնացած գնահատականների միջին թվաբանականները` հարյուրերորդականի ճշտությամբ: Մրցույթի երրորդ փուլի արդյունքների վերաբերյալ կազմվում է արձանագրություն, որը ստորագրում են հանձնաժողովի բոլոր անդամները:

Մրցույթի ավարտից հետո հանձնաժողովն ամփոփում է արդյունքները` գումարելով երեք փուլերի գնահատականները և նույն օրն իրազեկում մրցույթի մասնակից զորակոչիկներին` իրենց հավաքած ընդհանուր միավորների մասին: 1991 ստորաբաժանման կազմում զինվորական ծառայության նշանակվելու իրավունք են ստանում այն զորակոչիկները, որոնք մրցույթի երեք փուլերի արդյունքում հավաքում են ամենաբարձր միավորները: